XV Xornada. BEIRAVISTA 3 - 7 PLASAMAR

BEIRA, BEIRA
Sábado 26 de Decembro, 16:00 h. Campo de Limiñón.
__________________________________

ALINEACIÓN

13. Oscar
19. Nando [min. 45]
15. Félix
4. Popi
5. Manolo
25. Abel
6. R.Castro
7. Roi Alejandro
18. Sergei [min. 35]
22. Raúl
21. R.Cambre [min. 45]
17. Álvaro
20. Gaitas
9. Diego

GOLES

0-1 Plasamar [min. 15]
1-1 Beiravista (p.p.)[min. 25]
2-1 Diego [min. 35]
2-2 Plasamar [min. 45]
2-3 Plasamar [min. 55]
2-4 Plasamar [min. 65]
2-5 Plasamar [min. 70]
3-5 Álvaro [min. 75]
3-6 Plasamar [min. 80]
3-7 Plasamar [min. 90]

TARXETAS

Manolo [min. 20]
Nando [min. 50]
Roi [min. 55]
Sergei [min. 70]
R.Cambre [min. 75]

CRÓNICA

XIV Xornada. GRAND PRIX 8- BEIRAVISTA 4

VAN COMO MOTOS..COMO MOTOS GP
Sábado 19 de Decembro, 16:00 h. Campo de A´Barcala.
__________________________________

ALINEACIÓN

1. Miki
3. Fredo
15. Félix [min. 45]
7. Roi Alejandro
4. Popi
19. Nando
25. Abel [min. 45]
6. R.Castro
22. Raúl [min. 55]
24. Moki
17. Álvaro
21. R.Cambre [min. 55]
17. Sergei
11. Mikel [min. 55]
20. Gaitas
9. Diego



GOLES

1-0 Grand Prix [min. 05]
2-0 Grand Prix [min. 15]
2-1 Moki [min. 35]
3-1 Grand Prix [min. 47]
4-1 Grand Prix [min. 55]
4-2 Raúl [min. 60]
5-2 Grand Prix [min. 61]
6-2 Grand Prix [min. 70]
6-3 Moki [min. 75]
7-3 Grand Prix [min. 80]
7-4 Raúl [min. 85]
8-4 Grand Prix [min. 86]

CRÓNICA DO PARTIDO

XIII Xornada. BEIRAVISTA 1 - SAN MARTIÑO 4

PISCINAZO
Sábado 12 de Decembro, 16:00 h. Campo de Cos.
__________________________________

ALINEACIÓN

1. Miki
15. Félix
5. Manolo
3. Fredo
22. Raúl [min. 60]
23. Dani
19. Nando [min. 45]
12. Roi R.
6. R.Castro
24. Moki
17. Álvaro [min. 45]
21. R.Cambre
25. Abel [min. 45]
20. Gaitas
17. Sergei [min. 45]
9. Diego
11. Mikel [min. 65]


GOLES

1-0 Diego [min. 10]
1-1 San Martiño [min. 40]
1-2 San Martiño [min. 60]
1-3 San Martiño [min. 75]
1-4 San Martiño [min. 85]



TARXETAS

Roi R. - Vermella directa [min.30]

CRÓNICA DO PARTIDO

Éxodo de Limiñón. Guiados por Moisés chegamos ao campo prometido de Cos, un campo fértil e amplo, ideal pra desenvolver o xogo de toque característico do noso pobo. O Presi trouxo no seu carromato ao árbitro da contienda, pero era mellor deixalo tirado nunha cuneta pra que non escarallase o partido. O pasaxeiro non era un colexiado cos papeis en regla, era o Demo. Ao final chegaron os filisteos do san Martiño e nos botaron do noso novo fogar cun marcador abultado pero enganoso. Na guerra non hai reglas.

O partido comezou cun dominio total por parte do Beira, tocando e circulando o balón sen que o San Martiño o cheirase. Así chegou o gol de Gaitán ao máis puro estilo Alfredo Santaelena fronte a Andoni Zubizareta na final de copa, centro ao área dende banda dereita que o home da terra rematou de maneira pouco ortoxoxa e supera a 2 metros de porteiro. As cousas semellaban ir ben e foi cando noutra boa xogada no medio, pase en profundidade cara a Diegol, autopase fronte a saída do meta rival e placaxe ao 9 que sinala o Demo como expulsión e vermella directa. O San Martiño quedaba con un menos, e como sabemos, non sabemos xogar contra dez. No primeiro ataque do rival chega a o momento clave do encontro, piscinazo clarísimo en plan Figo que o Demo sinala como penalty. Sube ao marcador e as protesas do Beira estoupan, desconcentrando a o equipo e quentando o partido ata que se expulsa a Roi por unha dura entrada. Dez contra Dez e chega o descanso, movementos no banquillo.
A Segunda comeza coma o principio, intentando crear dende atrás pero cun rival xa mais asentado no campo que chega por segunda vez as inmediacións da meta local e e atopa o seu segundo penalti a favor, dubidoso por suposto. O feito ata agora viuse aniquilado en duas accións polémicas que cambiaron a cor do partido. O beira quema tódalas naves no intento de empata-lo partido pero o San Martiño con duas contras ben levadas sentencia o encontro. Unha mágoa xa que era unha boa ocasión para estar cos de arriba. De tódolos xeitos a semana que ven temos outro partido importante co Grand Prix.
Vamos Beira Beira

XII Xornada. IRC.DEP. 0 - BEIRAVISTA 2

PARTIDAZO EN LIMIÑÓN
Sábado 28 de Novembro, 16:00 h. Campo de Limiñón.
__________________________________


ALINEACIÓN

1. Miki
15. Félix
5. Manolo
4. Popi
23. Dani [min. 45]
19. Nando
12. Roi R.
6. R.Castro
24. Moki
21. R.Cambre
11. Mikel [min. 60]
9. Diego
20. Gaitas

GOLES

0-1 Diego [min. 65]
0-2 Diego [min. 85]


TARXETAS

Roi R. [min. 40]

CRÓNICA DO PARTIDO

Bo partido o de onte en Limiñón. Auga e frío. Barro e patadas. Bo traballo defensivo e contrataque eficaz.

Vamos Beira Beira.

XI Xornada. BEIRAVISTA 3 - NEL 1

SUFRINDO ATA O FINAL
Sábado 21 de Novembro, 16:00 h. Campo de Limiñón.
__________________________________

ALINEACIÓN

1. Miki
15. Félix
5. Manolo
7. Roi
19. Nando
12. Roi R.
11. Mikel [min. 60]
6. R.Castro
24. Moki
17. Álvaro
21. R.Cambre
18. Sergei [min. 45]
22. Raúl
20. Gaitas [min. 45]

GOLES

1-0 Álvaro [min. 35]
1-1 Nel [min. 40]
2-1 Álvaro [min. 80]
3-1 Álvaro [min. 90]


TARXETAS

Partido limpo.

CRÓNICA DO PARTIDO

Sí, victoria. De sorriso forzado en Limiñón. Segundo partido frouxo seguido do Beiravista. O Nel dominou na primeira (1-1) e os locais na segunda. Cun xogo improvisado e directo fíxoselle fronte a un rival con ganas pero ineficaz. Coa gravidade acelerando a caída no reloxio de area, un hattrick pícaro salva ao Beiravista da lama.

Buff! Que tres puntos máis ricos. O equipo atascouse. En defensa, en medio e en ataque. Tras pasados os primeiros dez minutos de contacto o Nel fíxose sorprendentemente co control do partido a base de empuxe e anticipación. Os locais non sairon relaxados, pero se veían superados nas accións individuais e quedaron desconcertados xa que ninguén esperaba tal guión. Só o seu desacerto e as accións defensivas de calidade en momentos chave permitían manter o 0-0 segundo ían transcurrindo os minutos. O gol estaba ao caer, ante un Beira que creara perigo nunha contra, con gran pase de Rubén Castro cara a esquerda a Álvaro (bravo!!) que regatea o porteiro pero acaba perdoando; e nunha xenerosa cesión de Roi R. a Álvaro que este marra e manda o pao, ainda que o árbitro invalidara a xogada de forma non moi clara. Seguía dominando o Nel ata que nunha xogada na defensa dos visitantes, Moki presiona ao defensa, que cede ao porteiro, a súa vez tamén presionado por Moki, desfaise do balón como pode e Álvaro aproveite o mal despexe. Inxustiza en Limiñón.

Nos minutos seguintes o Beira vai ter o segundo. Dous centros dende a dereita de Álvaro, en xogada con Moki e coa axuda de Nando, chegan ao pés de Raúl e Rubén Cambre que non marcan por pouco. Outra nun pase de Rubén Cambre a Álvaro que manda ao fondo da rede co xogo xa parado para sinalar unha falta (no canto de deixar seguir) que Roi R. disparou con perigo acabando en córner. E sucedeu o que tantas veces no fútbol. Un equipo está a dominar -o Nel-, non marca, o outro estírase 10 minutos e xusto aí é cando marca quen o merecía (ainda que esta vez o outro tamén marcou). E así sucedeu chegando o empate a 1 co que se chegaba ao descanso. E non era mal resultado para o Beira!

Na segunda muda o partido. O Nel vai xogar sen perigo, lonxe da portería de Miki. Boa defensa dos laranxas na segunda metade. Se cadra do máis destacado do equipo en todo o partido. Na segunda o Beiravista é o que crea as ocasións. Gaitas e Sergi puxeron moitas ganas no medio para iso. Entre elas, como non, un disparo ao pao de Gaitas ou Roi R. (creo; corríxanme) dende fora da área. Outra de Álvaro coa portería baleira de volea a fóra. E despois o árbitro coceu ao equipo a foras de xogo. A maioría ben pitados, provocados por un Álvaro mal posicionado que frenou algunhas acometidas do equipo, en concreto unha na que Moki quedaba só diante do porteiro (xogada que por certo tamén acabou dando no longueiro). Para matalo. Moki se lamentaba con comprensión cabaleirosa. Algúns mal pitados estragaron ocasións locais.

E depois de moito esperando, por fin debutou Mikel. E con bó pé. Cando o tempo comenzaba a facer tic-tac nas cabezas dos laranxas, un disparo seu converteuse nun extraordinario pase que só había que empurrar. 2-1! Os derradeiros minutos fixeronse algo longos ainda que o Nel non conseguiu crear verdadeiro perigo. O 3-1 chegou nun pase longo de Manolo no que o defensa rival se confiou e acabou perdendo ó esférico para que Álvaro levara o balón para a casa, no momento en que o árbitro pitou o final do partido.

Vai a haber que facer flash-back de xogo nos dous próximos compromisos.

Derby de Limiñón

Partido de lembranzas e esquecementos. Lembrarse de onde acabaron os dous equipos o ano pasado. Penúltimos, empatados a 25 puntos. E esquecer rápido iso, un para o outro, porque o que non o faga o sábado vai comer terra. 3º e 6º con só dous puntos de diferencia. Loitando polas plazas altas da clasificación. O IRC ven de perder o liderato no campo de Coiro (4-3). O Beiravista perdeu o seu último compromiso importante pero ven de gañar. Agora hai que recuperar o xogo, totalmente necesario, para dar outro zarpazo na parte máis alta da clasificación. O sábado, a guerra polo feudo. De quen é Limiñón?

Teñen que voltar as laranxas atómicas!!!

X Xornada. BUGARENT 5 - BEIRAVISTA 2

hORROr
Sábado 14 de Outubro, 16:00 h. Campo de Orro
__________________________________


ALINEACIÓN

1. Miki
23. Dani
5. Manolo
4. Popi
19. Nando
12. Roi R.
6. R.Castro
24. Moki
20. Gaitas
21. R.Cambre
18. Sergei [min. 60]
9. Diego

GOLES

0-1 Roi R. [min. 10]
1-1 Bugarent [min. 15]
2-1 Bugarent [min. 50]
3-1 Bugarent [min. 55]
3-2 Roi R.[min. 65]
4-2 Bugarent [min. 75]
5-2 Bugarent [min. 80]

TARXETAS

Sergei [min. 80]

CRÓNICA DO PARTIDO

IX Xornada. BEIRAVISTA59 2 - OLAS 1

O BEIRA ROMPE O TEITO
Sábado 7 de Outubro, 16:00 h. Limiñón
__________________________________

ALINEACIÓN

1. Miki
25. Abel
23. Dani [min. 45]
5. Manolo
7. Roi
15. Félix
18. Sergei [min. 45]
12. Roi R.
6. R.Castro
17. Álvaro
22. Raúl [min. 45]
20. Gaitas
21. R.Cambre
9. Diego

GOLES

1-0 Gaitas [min. 55]
2-0 Diego [min. 65]
2-1 Olas [min. 80]

TARXETAS

Diego [min. 85]
Manolo [min. 75]

CRÓNICA DO PARTIDO

Chegou a proba de fogo e o Beira disparou. Xogando ao fútbol, ante un rival de calidade, as laranxas atómicas deron un paso coma equipo, coma clube. No medio dos charcos, os rapaces atrevéronse a rasear a pelota para levar con eles unha merecida victoria ante un rival ao que tamén lle gusta o fútbol e que non regalou nada. O Beira parece preparado para enfrontar a calquera. Gaitas e Diego marcaron os goles da victoria, que non tería chegado se Sergi non tivera sacado no último suspiro un balón que se colaba na rede cando xa todos chorabamos o empate. Non tería sido xusto.

Limiñón, 16:30 h. A hora da verdade chegou con media hora de retraso. Retraso sobre o horario previsto debido, entre outras causas, a problemas endémicos do noso clube. Con algunhas mans manchadas de cal arrancou un choque que tiña que servir aos laranxas para demostrarense a si mesmos que podían xogar e ser competitivos contra calquera, ou para demostraren o contrario. O partido comezou con bastante igualdade. Os dous equipos tentando facer fútbol e chegar arriba movendo o balón. A pesar do aspecto inicial do campo -aspecto piscina- este comportouse bastante ben e permitiu, tamén gracias á auga, que a pelota circulara. O que non quita que o campo precise que lle corten as guedellas, que ás veces máis que un campo semellan xestas.
Nunha primeira hora de "tú a tú" o máis destacado polo visitantes foi un disparo dende o seu ataque esquerdo que buscaba o segundo pao, tras boa xogada persoal, e que por pouco non colleu a rosca necesaria para virarse cara porta. A mellor do Beiravista foi un gran pase ás costas da defensa do Olas que Diego aproveitou para elevar o balón por riba do porteiro, pero a vaselina saiu demasiado cruzada non lonxe do pao.
Miki tivo pouco que intervir pero mostrouse seguro. Atrás Félix e Ta estaban a cumplir ben o seu traballo, dandolle saida á pelota cara o ataque. Félix un pouco mellor na defensa e Ta no ataque, como é loxico. Roi soubo ocupar, todo o primeiro tempo, un oco entre o noso medio e a súa dianteira o que lle permitiu anticiparse á xogada e non menos de tres ocasións e recuperar a pelota. Mentres Manolo caia perfectamente ás bandas para axudar aos laterais con contundencia. No medio centro, Roi R. e Rubén Castro facíano mellor en ataque que en defensa. Andiveron algo descolocados, algo que lles sucede ás veces e fai que o equipo se resinta, pero en troques colocaron diversos balóns as costas da defensa e cara os interiores. Tamén Rubén Cambre e Álvaro destacaron máis na labor ofensiva e menos na recuperación, Rubén logrando crear xogadas de perigo en combinación dende a dereita e facendo dos seus regates e Álvaro caendo máis ao medio, sendo obxecto dalgunha falta e probando un par de remates sen éxito. Gaitas moveuse entre liñas e buscou pases ás costas e Diego dispuxo dalgunha ocasión e cedeu un par de bos pases.
Con todo isto o Beira rompeu a igualdade no xogo da primeira media hora e nos últimos 15 minutos fíxose co control do partido, dispoñendo de diversas ocasións para facer o 1-0. O pitido do árbitro deixou aos locais coas ganas, a sabendas de que estaban moi cerca do gol e se ían con empate ao descanso.
Na segunda, segundo testemuño da afeción, o Beira non dominou tan claramente, pero dende as duchas tampouco se veía que chegara o Olas á portería local. No minuto 10, segundo contan un par de presentes, tras un longo barullo moi pelexado no lateral da área, Gaitas acaba quedando co esférico para adornar a estrena das súas botas homenaxe ao fútbol dos 50 cunha estupenda vaselina ao pao longo. Delirio en Limiñón.
A partir de aí o Beira tivo controlado o partido, máis a diferencia era curta. Raúl e Dani G. se encargaban do flanco dereito do equipo e conseguiron crear máis perigo que o rival por ese lateral. Rubén Castro e Roi R. recuperaron o sitio no medio e notouse, e de que maneira. O equipo estaba moi ben ordeado e volveu xogar a pelota sen presas. O segundo de Diego á contra, cun disparo que se quixo ir fóra máis despois pensouno mellor e decidiu que o xusto era entrar, colaborou en todo isto.

De aí ao final o Beiravista tivo controlado o xogo, pero casi se lle escapa o partido. Nos últimos minutos o Olas, que case baixara os brazos só creou perigo a balón parado. Pero que perigo! A dez do final, unha falta botada pouco máis adiante do mediocampo acabou no corazón da área, adiantándose coa testa unha hábil "Ola" para poñerlle toda a incerteza ao partido. Tocaba sufrir. Pero os minutos foron pasando case sen sobresaltos. Ata que no último minuto case se para algún corazón. Falta no vertice dereito da área do Beiravista. O Olas saca unha xenial falta que semella un centro, mais o balón non vai cara a ninguén. Vai cara porta. Cando xa todo o mundo ve o balón dentro, aparece Sergi, deixado a propósito para o final nesta humilde crónica, e coa súa zurda despexa o balón ao aire e salva a victoria merecida do Beiravista na penúltima xogada do partido e polo tanto dous puntos. Para que logo digamos que os defensas non son decisivos para ben!
O árbitro pita e o equipo enteiro pecha os puños en alto no berro da victoria. Cánticos no vestiario. Tres puntos importantísimos, non menos no moral que no clasificatorio. Grande partido do Beiravista que eleva a súa racha a 16 puntos dos últimos 18 posibles, 6 partidos sen perder e se coloca momentáneamente 5º. Ver para crer. Moito Beira.

O sábado contra o terceiro

Máis madera. Aos que botávades de menos os partidos cos de arriba, aquí tedes doble ración. O sábado ás 16:00 en Orro (lugar e hora a confirmar por quen vaia a reunión), visitamos o campo do Bugarent, actualmente terceiro na clasificación, empatado co segundo. Ven de gañar 3-4 e nos leva un punto na clasificación. Goles a favor-en contra 30-25; nós 27-16.

Que dure a racha!

Forza Beira Oé!!!!!

VIII Xornada. PICO FINO 3 - BEIRAVISTA59 6

NON FALLA
Sábado 31 de Outubro, 16:00 h. Guiliade
__________________________________


ALINEACIÓN

13. Oscar
10. Marino
21. Rubén Cambre [min. 15]
22. Raúl [min. 55]
5. Manolo
4. Popi
15. Félix
12. Roi R.
24. Moki
17. Álvaro
25. Abel
7. Roi
9. Diego

GOLES

1-0 Pico Fino [min. 10]
1-1 Popi [min. 15]
1-2 Roi [min. 25]
1-3 Diego [min. 35]
2-3 Pico Fino [min. 40]
3-3 Pico Fino [min. 50]
3-4 Diego [min. 60]
3-5 Diego [min. 65]
3-6 Diego [min. 80]

TARXETAS

Diego [min. 75]


CRÓNICA DO PARTIDO

Marcador de fútbol sala. Cando Miki se foi de vacacións, o noso porteiro-entrenador estaba tan bébedo que non lembraría que ao día seguinte se tería que quedar. Colleu os guantes para levar o Óscar ao suspense nun penalty decisivo. O motor "Beiravista 20" volveu funcionar, pero despois o equipo avariouse. Diego e o pao acabaron espertando aos rapaces a tempo. 13 de 15 puntos; o Beira, de penúltimo a dous do ascenso. Proxectil miragre ou dopping clandestino? Laranxas atómicas!

Apenas chegara Xurxo de ir buscar as cervexas, cando o Pico xa puxera un balón ás costas dos centrais para anotar o primeiro tanto local. O Beira saiu ao campo coma quen xoga ao tute cos colegas sen apostar nin as cañas. E xa van dous días seguidos. Mais desta volta, ante un rival menos contundente que o Xesteda, o equipo reaccionou rápido e accionou o botón para encender o seu novo motor: o "Beiravista 20 minutos", capaz de crear mil ocasións xogando ao fútbol en pouco máis dun cuarto de hora e sen importar os once que haxa no céspede. Ben é certo que o primeiro chegou polo toque -e a vista- de Popi que axustou perfectamente unha falta lonxana a ras de chan ao pao do partido. Mais o Beira xa dominaba. Roi, cun tiro ben axustado e Diego, tras unha gran xogada persoal dende o medio campo, déronlle a volta ao encontro (1-3). Todo parecía no seu sitio. Pero se algo está claro nesta liga é que as diferencias non permiten relaxarse. E o voltaron a facer. O PicoFino recurtou antes do descanso. 2-3, e Óscar empezaba a abrir un ollo. Antes diso, a mala sorte ceibouse con Marino. Xa sabedes o simpática que é. Como o outro día o rapaz non xogou para non facer demasiados trocos, é dicir, en solidaridade co equipo, a mala sorte devolveulla lesionándoo nun nocello. Estamos a espera de coñecer o alcance da lesión, mais esperamos que non chegue se quera a esta fin de semana...

A segunda parte.
Que facedes cativos... 1, 2, 3 relax! 1, 2, 3 PicoFino! - Beiravista 3. Gol para o esquecemento defensivo. E volta a empezar. Menos mal que ao pouco Diego cazou outro pase para batir á segunda ao porteiro rival e poñer ao Beira en vantaxe. O equipo veuse de novo coa cousa a favor. Que fácil é que o Beiravista sálgase só dun partido! O equipo esqueceu o seu mellor xogo. Non tocou a pelota no medio e mandou demasiados balóns verticais para que Diego lles gañara por velocidade aos defensas. Tamén é certo que o PicoFino non era mellor pero se achegaba ás veces. Óscar espertou a tempo para desbaratar un par de boas ocasións rivais e reivindicarse coma o porteiro que dudo que se queira reivindicar, xa que nas súas palabras "pon moi nervioso". E chegou o momento decisivo do partido. Penalti claro, que non absurdo, de Félix. Óscar Vs Óscar. "A ver se paras este tamén!". O rapaz fai un gran tiro, mais o balón da no pao e o Beiravista, co seu dianteiro enchufado, esperta a tempo e sentencia o partido con outros dous goles.


Partidazo o sábado

Victoria lixeiramente xusta do Beira que leva unha racha de récord a piques de comezar o calendario infernal. O equipo sitúase 7º a dous do ascenso e a tres do líder virtual. Mais coidado. O Beiravista só se enfrentou polo momento a 1 equipo dos 10 primeiros (Transportes A Pena que é 8º; con derrota por 3-2 na xornada 1). Esta fin de semana, partido difícil dentro do difícil. Un candidato ao título da segunda, para min o principal. Está a un punto do líder cun partido menos. E xa se enfrontou a seis dos dez primeiros clasificados, entre eles ao primeiro e ao segundo. Beiravista - Olas.

Chegou a hora da verdade.

VII Xornada. BEIRAVISTA59 3 - XESTEDA 3

PUNTO DE CASTA
Sábado 24 de Outubro, 12:00 h. Campo de Limiñón
__________________________________

ALINEACIÓN

1. Miki
5. Manolo
4. Popi
7. Roi A. [min. 45]
3. Fredo
17. Félix [min. 45]
6. Rubén Castro
18. Sergei [min. 45]
17. Álvaro
23. Dani
25. Abel [min. 45]
21. Rubén Cambre
20. Gaitas [min. 45]
9. Diego
25. Moki

12. Roi R.

GOLES

0-1 Xesteda [min. 15]
1-1 Fredo [min. 30]
1-2 Xesteda [min. 50]
2-2 Diego [min. 60]
3-2 Roi R. [min. 65]
3-3 Xesteda [min. 80]

TARXETAS

Roi R. [min. 25]

CRÓNICA DO PARTIDO

E por fin choveu en Limiñón. O campo mollouse e os xogadores tamén. Partido de brega entre dous equipos con estilos moi diferentes. Un partido con alternativas que calqueira puido gañar, o día en que o Beiravista esqueceu o balón pero se lembrou das pelotas.

Vaia primeiro tempo! O Beiravista saiu ao campo sen enterarse de que ía o partido. Os primeiros minutos foron un tanto confusos ata que o Xesteda, a base de empuxe, fíxose co dominio territorial. Porque tampouco é que os visitantes crearan xogo dende o mediocampo, simplemente o do Beira non estaba. A defensa tamén deixaba moito que desear en canto a enteireza. Por non estar claro, non o estaba nin quén tiña que cubrir a cada un dos rivais. E con tanto descoloque xeral, a dianteira pouco puido facer e pouco fixo. E ante este panorama un novo disparo do Xesteda, que Miki rexeita face un lado e o rexeite o aproveita outro visitante para poñer o 0-1. Pero nin coa bofetada o Beiravista espertou. O mellor un par de córners que se remataron fóra. Tiña a pinta de ser un día deses nos que non sae nada. E porque contradixo iso, foi moi importante a subida de Fredo dende atrás. O reconvertido novo lateral esquerdo chegou ata o borde da área do rival para enganchar un fredazo casi imparável. De feito, foi imparable.Empate, 1-1.

A lástima e que o Beira seguiu durmindo e o Xesteda acumulando homes e perigo. Unha delas con Miki xa batido, a sacaron entre Moki e Álvaro da liña de gol, na acción máis destacada dos interiores do Beiravista, o que fala e moito do que estaban a facer os laranxas. O mellor era que chegara o descanso. Pero non chegou; e entón veu o amigo "2" e se puxo no sitio do resultado visitante. Agora xa podes pitar. Fin do primeiro tempo.

Moveuse o banquiño e o grifo das duchas. E de repente, entre unha entregada, cálida e numerosa afección, o Beiravista púxose a xogar ao fútbol. Probablemente a xente de refresco, e o tempo de descanso, permitiron que "os pequechos laranxas" colleran folgos para poder arremeter con tal forza contra os máis ben grandes rivais do Xesteda. Un duelo sen dúbida físicamente desigual. Nesa desigualdade o Beira fixo o que mellor podía: tocar rápido o balón. Dous ou tres avisos claros nos primeiros instantes da segunda, entre eles un balón ao pao de Gaitas, presaxiaron o empate. Diego voltou aparecer para poñer as táboas que xa se estaban facendo xustas. O equipo seguiu xogando e creando moito perigo. E insistindo. O partido parecía totalmente outro. O Beira era moi superior ao Xesteda. Roi R. puxo o 3-2 da ledicia. Ainda o equipo local tivo 5 minutos nos que puido mesmo irse no marcador. De feito, un perigoso chut petou dentro da área no cóbado dun rival, pero (por non entrar en polémicas) o árbitro non o apreciou así.

Púxose a chover, ao tempo que o Xesteda lanzouse polo partido. Os brancos conseguiron poñer o partido onde querían. Aos beiras se lles acabou o fuel e perderon o balón e outra vez o medio. O encontro tornouse físico e de pelexa. Tocou defender, e se fixo como se puido ata o empate a 3 a 12 minutos para o final. Sen forzas nen orden para atacar, alén dalgunha xogada aillada á contra, ao Beira lle tocou encomendarse á defensa. E a defensa foi brava, contra uns rivais moi potentes fisicamente. No medio da choiva, o Beiravista aguantou o chaparrón e levou traballadamente un punto, que se ben os optimistas pensan que puideron ser tres, tamén é certo que puido ser ningún.

Polo tanto, o resultado non é malo, máis vista a pinta que ten o Xesteda de que vai estar arriba ao final da liga. E máis tendo en conta que o Beira xogou ao fútbol 20 minutos de 90. Iso sí, é moi importante ver que o equipo, cando tivo que poñer o mono de traballo, o puxo.

Cea polémica

Ás 23 horas de ese mesmo día o "59" celebrou a primeira cea do ano, na que non faltaron boi, insultos ao presidente, viño, comentarios informais, camisas manchadas, que esperemos xa se recuperaran, peloteos co entrenador, cervexas, críticas aos xogadores, discusións tácticas sen fundamento, insultos do presidente, pementos... En definitiva, un ambiente agradable, distendido e amizoso. Beira, aí é onde empezas a ser un equipo. Na terceira copa.

Imos carallo!!!!

Próximo xogo: Fóra contra o Picofino. Levan 6 puntos e veñen de perder 3-2 contra Transportes A. Pena (como veredes, colleremos case sempre aos que deixa este equipo, polo que vos digo, para que teñades a referencia, que o Transportes A. Pena foi o primeiro rival deste ano co que perdemos 3-2 tamén no primeiro partido da tempada). Así que quedaron coma nós contra eles. E están 5 puntos por debaixo de nós. Son os segundos máis batidos pero levan máis goles a favor que nós. Deberíamos gañar, xa que logo teremos un calendario fodido.

Forza Beira

VI Xornada. LA TASCA 0 - BEIRAVISTA59 4

NIN COIRO: O BEIRA SEGUE A ESCALADA
Sábado 17 de Outubro, 12:00 h. Campo de Coiro
__________________________________

ALINEACIÓN

1. Miki
5. Manolo
4. Popi
10. Marino [min. 55]
3. Fredo
19. Nando
12. Roi R.
6. Rubén Castro
17. Álvaro
25. Abel [min. 45]
24. Moki
7. Roi A.
9. Diego
20. Rubén Cambre [min. 55]

GOLES

0-1 Roi A. [min. 15]
0-2 Roi R. [min. 55]
0-3 Miki [min. 75]
0-4 Moki [min. 85]

TARXETAS

Álvaro [min. 25]
Manolo [min. 65]

CRÓNICA DO PARTIDO

O Beiravista comeza a parecer un equipo. Terceira victoria consecutiva merecida dos pichóns. Terceiro partido sen recibir un gol, algo ao alcance de moi poucos. O día que Miki (e a gran defensa) chegaron ás máis de 5 horas de xogo sen encaixar gol e para celebralo, o moi cabrón meteu un. Acabouse a maldición de Coiro.

Saiu o Beira como fai últimamente. Contundente atrás, dominando no medio e fluido e con alternativas no ataque. E chegaron as primeiras ocasións. A Tasca peleou na medio máis veu que non ía ser del. Lograron enviar algún balón ás costas da nosa defensa onde os formantes de inicio Nando, Popi, Manolo, Fredo xunto con Miki, conseguiron minimizar o perigo de tales ocasións. O Beira creaba ocasións xogando. Máis o gol saiu dun balón roubado por Álvaro na frontal; forte disparo centrado que repele o porteiro e Roi cruza moi ben o rexeite cerca da escuadra contraria. 0-1. Vento a favor.

O Beira seguiu dominando sen presas. E creando perigo. Varios disparos cruzados, a maioría de Diego, que se moveu coa súa velocidade característica, foronse fóra os moi fillos de puta. Unha clara deles, tamén se foi fóra. Só fodería. O resultado no descanso era curto para o dominio. Alguén considerou que o equipo xogara pouco en curto, máis ocasións non faltaron.

Na segunda entraron escalonadamente, Moki por Álvaro, Marino por Popi e Rubén P. por Diego. Raúl preferiu quedar observando como Nando e Roi da Bodega, achegábanse á banda a realizar actos contrarios aos principios morais do vaticano, que son, básicamente, non tocarse entre os adultos pero si aos nenos. O Beira estaba disposto a rubricar o bo primeiro tempo. Sen embargo, os primeiros quince minutos da segunda foron algo incertos. Ninguén controlaba o xogo. O partido estivo por minutos no ar. Ata que Roi da Bodega enganchou un rápido chut que botou diante do porteiro e puxo terra de por medio coa incerteza. O Beiravista voltou dominar o medio. Rubén C. e Marino fixeron moi ben o seu traballo. Rubén P. estivo a piques de marcar, pero acabou magoando ao porteiro rival , que esperemos xa esté recuperado da brecha na cabeza. Ta puxo velocidade e perigosos centros. Unha xogada calqueira no 75, converteuna Miki na xogada do partido. Caía un balón do ceo, saiu a despexar, mais ambicioso viu un oco na porta rival, e enviou un obús dende 70 metros que o porteiro rival non puido nin tocar. O equipo tolea e se bota enriba de Miki. Parabens! Despois de tanto días de sufrimento na porta, parece que tamén tocan días bos. Partido sentenciado. Chegando ao final, Moki cruzou perfectamente un balón, raso e ao outro pao, dende fóra da área para poñer o 0-4 definitivo.

O Beiravista 59 asoma por primeira vez á zona alta da táboa na súa historia. Sitúase a 3 puntos do ascenso, cando chegou a estar a 8. E o máis importante. Encontrou un estilo de xogo e sabe a que ten que xogar. E ten plantilla para iso. Veremos agora ata onde pode chegar o equipo. O certo é que derrotou ao antepenúltimo e ao penúltimo polo que hai que ter os pés no chan. Os dous próximos partidos son contra equipos da zona mediabaixa da táboa. Se o Beiravista segue nesta liña, poderá chegar a enfrentarse cos de arriba nunha boa situación. Pero vaiamos partido a partido. O sábado as 16.00 horas, todos á Perreira. Ven o contundente Xesteda, que ven de gañar ao Transportes A Pena e o ano pasado foron 5º. Haberá que facer un bó partido. Sendo ás catro, esperamos voltar a contar coa a nosa importantísima e grande afición que merece alegrías.

Parabens rapaces!!

Cheira a churrasco!!

Forza Beira!!!!

V Xornada. BEIRAVISTA 59 4 - A´BARQUIÑA 0

VICTORIA, HAT TRICK E PORTERÍA A CERO
Luns de Outubro, 16:00 h. Limiñón Arena
__________________________________


ALINEACIÓN

1. Miki
3. Marino
5. Manolo
4. Popi
18. Sergei [min. 50]
19. Nando
12. Roi R.
6. Rubén Castro
17. Álvaro
25. Abel
20. Gaitas
9. Diego

GOLES

1-0 Roi R. [min. 30]
2-0 Roi R. [min. 55]
3-0 Roi R. [min. 75]
4-0 Diego [min. 80]

TARXETAS

Diego [min. 75]

IV Xornada. INOX PUB 0 - BEIRAVISTA 59 2

3 PUNTOS NO DERBI DE ORILLAMAR

Sábado 10 de Outubro, 16:00 h. A´Barcala
__________________________________


ALINEACIÓN

1. Miki
23. Dani +
17. Álvaro [min.5]
5. Manolo
4. Popi
22. Raúl [min.50]
15. Félix
12. Roi R.
6. Rubén Castro
18. Sergei
24. Dani Mato
7. Roi
9. Diego


GOLES

0-1 Álvaro [min.44]
0-2 Álvaro [min.75]


TARXETAS

Félix - Vermella directa [min.5]
Sergei [min.55]
Roi [min.75]
Diego [min.80]


CRÓNICA DO PARTIDO

Primeira victoria neste curso 2000-2010 na Barcala, un campo que trae bos recordos xa que foi onde debutamos nesta competición o ano pasado con 3 puntos e que volve a dar sorte un ano mais.
O partido comezou mal pola lesión de Dani nos primeiros minutos e a posterior expulsión de Félix por man (pegada ao corpo) dentro da área. ¡Penalti que bota un xogador inoxiano, pégalle cos tacos da súa bota dereita e parada de Miki!
Tras este lance do xogo o dominio foi do equipo branquilaranxa que impuso o seu estilo no medio do campo, e a pesar de xogar con tres defensas a zaga estivo ben posicionada coa axuda de Moki na banda dereita, facédose un partido ao máis puro estilo Roberto Carlos. Un par de balóns por riba da portería do Inox e unha gran volea de Roi R. cóa esquerda dende fora da área que pega no pao esquerdo e non entra por pouco, son a antesala do primeiro gol. Minuto 44, xogada de equipo por banda, centro, un par de rexeites, e Álvaro anota dende a frontal, 0-1 . Así chegamos ao final do primeiro tempo.
A Segunda metade comeza co mesmo plantexamento de controla-lo partido e ir a por un segundo tanto que nos dese tranquilidade. Entra Raúl por Popi e Roi pasa a ocupar a praza do 4 do 15002. Xogo duro no campo e a ocasión máis clara do Inox, unha falta dende fora da área que bota o seu dianteiro con potencia pero que atalla Miki en dous tempos. O dominio segue a ser dun Beiravista con dez que volve a crear perigo en un par de xogadas de Diego e un bo pase entreliñas de Raúl a Moki que non anota. Pouco despois, falta no borde do área Vermellona que lanza Álvaro pegada ao pao lonxe do alcance do porteiro inoxiano que sube ó marcador, 0-2 e segundo tanto na conta do de Bilbo.
O Inox lánzase á desesperada ao ataque, o que permite sair á contra con máis facilidade, ata que xa no final do encontro o colexiado non sinala un penalti claro nun man a man do 9 branquilaranxa co porteiro.
3 puntos, primeira victoria do campeonato, portería a cero , partido serio por parte de todos e bo xogo.
É para estar satisfeitos
Norabóa.

III Xornada. BEIRAVISTA 59 2 - FARIÑAS FREIRE 4

BO XOGO. MAL RESULTADO

Sábado 3 de Outubro, 16:00 h. Limiñón Arena
__________________________________

ALINEACIÓN

1. Miki
23. Dani
5. Manolo
4. Popi
15. Félix
12. Roi R.
6. Rubén Castro
17. Álvaro
10. Fredo
24. Dani Mato [min.20]
22. Raúl
25. Abel [min. 45]
9. Diego


GOLES

0-1 Mediodía [min. 15]
0-2 Mediodía [min. 25]
1-1 Álvaro [min. 35]
2-2 Dani Mato [min. 60]
2-3 Mediodía [min. 70]
2-4 Mediodía [min. 90]


TARXETAS

Popi [min. 55]