O Ascenso depende de NÓS

DERRADEIRO TREN: IMOS!!!
Sábado 15 de Maio, 16:00 h. Montesalgueiro.
__________________________________

ALINEACIÓN

Só un nome propio. Beira!

GOLES

Os que precisemos para gañar

TARXETAS

Non nos importa

ANÁLISE

Hai uns meses, un recén nacido Beira-Bot pedía ao equipo unha seira de victorias para voltar á loita polo ascenso. O equipo non o logrou mais estivo a piques. E non foi en ván o esforzo. 15 xornadas despois, o equipo ten outra racha que acadar, mais esta vez non para engancharse aos darriba, senón para, directamente, ASCENDER. Con 6 victorias nos 6 partidos que quedan o equipo volaría a Primeira División, ainda que non se pode descartar que ainda mesmo cun pinchazo (só con un, claro está) se podería lograr o ascenso. O calendario é máis ou menos favorable, cun grande escollo (a Rodis, 2º clasificado a 2 ptos. do líder) e cun partido "de tú a tú". Este último precisamente esta fin de semana. Ante o Plasamar, co que estamos empatados a puntos. O que perda quedará afastado da loita polo ascenso. O que gañe poderá seguir soñando.
Na ida, o Plasamar gañou en Limiñón. Para quen non lembre, lembro eu: os rivais comportáronse dun xeito nada respetuoso con nós, chegando en máis dunha ocasión a mofarse e rirse no medio do partido. Qué mellor que deixalos fora da loita cunha victoria na súa casa.
Así que esquezámonos de rachas, de puntos por conseguir, de posicións, de cálculos e de elucubracións, porque os partidos non se xogan todos á vez, xóganse dun en un. E se hai que concentrarse, fagámolo nos próximos 90 minutos, os do sábado, os únicos que nos valen agora. Botémoslle güevos! Por orjullo beiro, por revancha, por xustiza (clasificatoria), polos terceiros tempos, pola afeción, por cada un de nós ou por todos, polas ceas, polos lesionados, polos que non podían vir e ao final veñen, polos que imos e voltaremos cos tres puntos. Pola historia do Beira: esta é a Nosa; este, o momento de escribila. Imos!!!